Biblos clube de lectores
Carlos Quiroga traza unha ampla panorámica da edición actual en lingua portuguesa
 + Buscador BIBLOS
 
  10222 Referencias
  Buscar
PRESENTACIÓN SUBSCRICIÓNS PEDIDOS PROMOCIÓNS
+ Portada ++ Contacto ++ Ver compra +


 ¡ BENVIDO !
 + Usuario
 
 + Contrasinal
 

  

Nova revista. Biblos
Revista100

[Ver PDF]


 PRIMEIROS CAPÍTULOS
 EMMA PEDREIRA
 «As cinzas adentras»
 XAVIER FRÍAS
 O pai do artista
 HONORÉ DE BALZAC
 Eugénie Grandet
 CARLOS AMIL
 Benaventurados os que aman
 RAÚL VEIGA
 Esta noite no cinema
 LITO CARAMÉS
 E agora pasa un tren
 LOIS PEÑA NOVO
 La Mancomunidad Gallega
 IRIA LÓPEZ TEIJEIRO
 Meniña de cristal
 PABLO ROIBÁS PAINCEIRA
 O xuízo de Kaissa
 EVA VEIGA
 Desconcerto
 INMA LÓPEZ SILVA
 Non quero ser Doris Day
 SANTIAGO LOPO E NORBERTO FERNÁNDEZ
 Game over
 EVA VEIGA
 Desconcerto II
 CARLOS FREIRE CORDEIRO
 Acompañamento para fuga
 XABIER IGLESIAS
 Daniel e a Porta do Ceo
 XOSÉ CARLOS CANEIRO
 Blue Moon
 TUCHO CALVO
 Corazón entre desertos
 MANUEL LOURENZO
 Medea dos fuxidos e outras pezas
 XAVIER CASTRO
 A mesa e manteis. Historia da alimentación en Galicia
 MARICA CAMPO
 Onde houbo lume
 ELENA VEIGA RILO
 Morte en fucsia
 XOSÉ DÍAZ DÍAZ
 Fraquezas
 IRIA MORGADE VALCÁRCEL
 Verbas no ar
  + AUTORES

 Todas as referencias


 
Novas

NOVAS
 

 

Biblos acada o número 100, marca sen precedentes para unha revista bibliográfica en Galicia

Unha exposición na libraría Biblos de Betanzos mostra obras que foron portada da publicación


Era marzo do 2003 cando Biblos Clube de Lectores botou a andar coa intención de levar aos lectores galegos as últimas novidades dunha industria editorial que vivía momentos de envexable puxanza. Facíao contando como instrumento fundamental para acadar ese obxectivo co lanzamento histórico dunha publicación, a revista Biblos, que pretendía dar a coñecer á maioría dos posibles interesados nos libros o esforzo das editoriais e facer tamén visibles creadoras e creadores do mundo da cultura.
Aquel foi un lanzamento histórico con máis de 270.000 exemplares do primeiro número desta publicación que se repartiron por toda Galicia a través dos máis importantes diarios. Nela aparecían referenciadas logo 250 novidades e algúns libros de fondo agrupados por temáticas concretas, con varias páxinas dedicadas á edición de Portugal. Posiblemente era xa de partida o maior esforzo feito para achegar ao público de toda Galicia o conxunto das publicacións que estaban a saír do prelo. Un éxito –aínda que máis modesto do que desexaríamos– que confirmamos hoxe ao acadar o número cen da nosa revista, unha meta de lonxevidade que é única nun ámbito tan concreto como o da difusión bibliográfica e cultural galegas.
Entremedias, máis de 16 anos xa. Un tempo no que sentimos a perda de moi queridos amigos e amigas entusiastas do proxecto e socios que nos acompañaran desde o comezo; no que recibimos algún recoñecemento do que estamos moi agradecidos, como o Xerais: no que a revista mellorou con novos contidos e no que nos enfrontamos a carón da industria editorial á acta de defunción que moitos, incluída a Xunta de Galicia, ditaran contra o libro no seu formato tradicional. Un despropósito que reduciu notablemente a edición en galego e que nos forzou a diminuír a nosa paxinación de 32 a 24 páxinas, entre outras medidas.
Ao remate desta experiencia, todo o que veña será seguir a acadar novas marcas na divulgación da cultura galega. E agora, como entón, o noso máximo agradecemento aos socios e socias, pezas clave dun proxecto no que –como diciamos no primeiro número– «necesitamos ser moitos para cubrir os obxectivos que nos propuxemos. Unhas metas que poderán mellorarse en función dos apoios que academos, pero que non dependen arestora de ningunha subvención ou axuda institucional de ningún tipo».


VOLVER SUBIR
BIBLOS clube de lectores | CONTACTO | TEXTO LEGAL